في ظل التغيرات الي نشهدها اليوم في زيادة الخيارات وكثرة البدائل، صار اختيار الوظيفة وحصر نفسك في مسار معين من أكبر التحديات في سوق العمل. رغم أن المهنة أكثر من مجرد عمل تقوم فيها، هي ركيزة أساسية تحدد شكل مستقبلك. ✨
بدون مبالغة اكثر شي يستحق وقتك وجهدك وبتضل طول حياتك ممتن لنفسك عليه، هو اكتشافك للمسار المهني الي يناسبك👌🏼. بكل تأكيد مانقدر نقول عن المهمة سهلة، اكيد يتخللها الكثير من التحديات، لكن خليك واثق في سعيك و محاولاتك للوصول💪🏼.
قبل نسرد بعض النصائح الي راح تساعدك في تحديد مسارك المهني، لازم نجاوب على السؤال المحوري لمقالة اليوم، الاجابة راح تعطيك دافع لتطبيق هذي النصائح خلال رحلة الاكتشاف وراح تستمر في تذكرها طوال مسيرتك.
🤔السؤال هو: ليش تبحث عن المسار المهني الي يناسبك؟
اتفق ان الخيارات كثيره وفي البدايات اكيد كل احد فينا يبحث عن مصدر دخل وامان مادي يستقر فيه. بس بعد فترة من العمل راح تدرك أن المادة مو كل شي. فيه متعه تفتقدها وفيه حماس وسعادة مو قادر تحس فيها، فيه تعب لذيذ وفيه تعب يجلس على قلبك ايـام، وفيه ضياع وتشتت وكثير إنجازات ساهمت فيها لكنها ما تشبهك ولا تمثل شخصيتك. وبالنهاية تحصل نفسك داخل دوامة مجبر تكمل فيها، وتنفذ مهامك الوظيفية رغم أثرها السلبي على حياتك ومستقبلك المهني.
عشان تحمي نفسك من الوقوع في هذه الدوامة؛ من اليوم راجع نفسك وابدأ ركز على تحديد مسار مهني واضح تنتمي له، ما يربطك في مؤسسة او شركة معينة. اعتبر المسار المهني رحلة على مدار الأيام، تطلب منك مهارات وتدريبات وخبرات مكتسبة ومعرفة في مجال معين تمكنك من العمل في اكثر من جهه او وظيفة، وكلها تصب في مصلحة تطوير مهاراتك وخبراتك وتقربك كل يوم من أهدافك ومقاصدك من رحلة المسار المهني.
مع الأخذ بالاعتبار بدون الاجتهاد والسعي مارح توصل لرغباتك وأهدافك المهنية.
اقدم لك هذي النصائح لرحلتك في اختيار مسارك المهني:
- حدد اهتماماتك وأي انشطة تستمتع في العمل فيها، العمل الي مع مرور الايام ما يحسسك بالملل وتندمج معاه لدرجة تفقد الشعور بالوقت والتعب. وبعد كذا ابحث عن المهام الوظيفية المناسبة له.
- حدد مستوى الدخل الشهري المتوقع من الوظيفة، عشان تتأكد من امكانية توفر الطبقة المعيشية الي ترغب فيها. اعرف اذا كان الدخل الشهري مناسب لك مقارنة بكمية مصروفاتك واحتياجاتك المادية ونسبة ادخارك.
- حدد جميع المجالات المهنية الي تهمك مع مميزاتها وعيوبها العملية، عشان تكتشف اي واحد فيهم مناسب لك، بعد كذا ابحث عن المسميات الوظيفية الي تندرج تحتها، وحدد السلم الوظيفي الي ترغب في البدء فيه. هذي الطريقة تساعدك تتخيل رحلة تطورك المهني وتسهل عليك اختيار الدورات والمهارات الي تساعدك في الوصول لأعلى السلم الوظيفي.
- اسأل اصحاب الخبرة الي عندهم مخزون علمي واسرار مهنية، خاصة في مجال عملهم، احرص اشد الحرص على عدم تفويت اي فرصة في سؤالهم عن اهم المهارات والخبرات وسبل الارتقاء في المسار الوظيفي بشكل أسرع.
- اكتب أهدافك وقيمك المرتبطة مباشرة في مجال مهنتك، هالشي بيساعدك تبني تصور واضح عن كيف بيكون شكل سنواتك القادمة. تجربة اكثر من وظيفة تعينك على فهم نفسك وطريقتك في العمل وبالتالي نمو وتطور في المهارات والمفاهيم العملية في سوق العمل.
- استفهم من كل شخص قريب منك سواء صديق او قريب عن رأيهم في عملك وكيف تقدر تحسنه وايش الجيد وايش هي المهارات الي تحتاج تشتغل عليها. لان مو كل شي راح يكون واضح لك وتقدر تحدده، بيساعدونك كثير في معرفة نقاط قوتك وضعفك، وهالشي بيفتحلك ابواب جديده من التجارب الممتعة.
⭐️اخيرا..الوظيفة شيء تبحث عنه أما المسار المهني شي تعمل لتبنيه.
دورنا في فلولس نرشدك ونقدم لك التوجية والمعونة لأي تحدي قاعد يواجهك في رحلة تحديد مسارك المهني،، لا تتردد في حجز ساعتك الاستشارية مع نخبة من المرشدين المهنيين وعلى مستوى عالي من الاحترافية👌🏼.
